ფეხბურთელ გიორგი შაქარაშვილის მკვლელობის საქმეზე დაკავებული არასრულწლოვნების პროცესი მცხეთის რაიონულ სასამართლოში დღეს გაიმართება. დღევანდელ სხდომაზე ბრალდების მხარე დასკვნით სიტყვას წარმოთქვამს.
ერთ-ერთი ბრალდებულის ადვოკატის, დალი იმნაიშვილის განცხადებით, მტკიცებულებების გამოკვლევის პერიოდში მისი დაცვის ქვეშ მყოფის მიმართ ბრალად შერაცხული ქმედება ვერ დასტურდება. როგორც ადვოკატი ამბობს, მათ მიერ წარმოდგენილ დასკვნით სიტყვაში ძირითადად ყურადღება გამახვილდება გამოძიების პროცესში არსებულ ხარვეზებზე. ადვოკატის თქმით, იმ შემთვევაში თუ სასამართლო გამამტყუნებელ განაჩენს გამოიტანს, საქმე სააპელაციო სასამართლოში გასაჩივრდება.