თბილისში, ერთ-ერთ მშენებლობაზე მომხდარი შემთხვევის გამო 25 წლის ახალგაზრდა გარდაიცვალა. გიორგი ქარქიშვილი გორის რაიონის, სოფელ ატენის მაცხოვრებელი იყო. იგი დედაქალაქში მშენებლობაზე მუშაობდა. მეგობრების თქმით, შემთხვევა გუშინ მოხდა. მომხდართან დაკავშირებით, გარდაცვლილის ახლობლებს ორი სხვადასხვა ინფორმაცია აქვთ. ქარქიშვილის თანაკლასელების ინფორმაციით, დაშავებული საავადმყოფოში გარდაიცვალა.