19:59
29 ივნისი, 2022, ოთხშაბათი
იტვირთება შემდეგი ვიდეო
ჩვენი პლანეტა
მითის თანახმად, ფრინველი ალკუნი, ეოლუსის ქალიშვილის წყალობით გაჩნდა, სწორედ მისი სილამაზით მოხიბლა ზევსი, თუმცა ზედმეტად ქედმაღალი ქალის უარის შემდეგ, მისი ეგზოტიკურ ფრინველად ქცევა გადაწყვიტა
21-05-2022

ალკუნი - ფრინველს, რომლის სახელი ძველბერძნულიდან მომდინარეობს, რამდენიმე საინტერესო მითი უკავშირდება. ერთ-ერთის თანახმად, ალკუნი ეოლუსის ქალიშვილის - ალკიონეს წყალობით გაჩნდა. სწორედ მისი სილამაზით მოხიბლა ზევსი, თუმცა ზედმეტად ქედმაღალი ქალის უარის შემდეგ, მისი ეგზოტიკურ ფრინველად ქცევა გადაწყვიტა, მეორე მითის მტკიცებით კი, როცა ჰერაკლემ გოლიათი ალკიონევსი გამოასალმა სიცოცხლეს, ამფიტრიტამ მის ქალიშვილებს - ალკიონიდებს უბოძა მარადიული სიცოცხლე, თუმცა სამყაროს ზღვის ფრინველებად - ალკუნიდებად მოუვლინა.

ალკუნის, რომლის ოჯახი ექვს სახეობას, მათ შორის, ჩვეულებრივ ანუ ცისფერ ალკუნის, ლურჯყურა, ფირუზისფერ და ზოლიან ალკუნის აერთიანებს, გავრცელების საკმაოდ ფართო არეალს მოიცავს და ერთნაირად კომფორტულად გრძნობს თავს როგორც აფრიკის ჩრდილო-დასავლეთში, ევროპასა და აზიაში, ისე ახალ ზელანდიაში, ავსტრალიასა და სოლომონის კუნძულებზე,ზოგიერთი სახეობის მოძიება კი, სამხრეთ და ჩრდილოეთ ამერიკის ტერიტორიაზეც შეიძლება. 

მართალია, ხასხასა ფერებში აჭრელებული ალკუნის გაბარიტები მეტწილად სახეობაზეა დამოკიდებული, მაგრამ ფრინველის მაქსიმალური სიგრძე მხოლოდ 40 სანტიმეტრს შეადგენს, მასა კი, არასდროს აღემატება 400 გრამს. ალკუნის მთავარ განმასხვავებელ თავისებურებად მოკლე თათები შეზრდილი თითებით და დიდი, ძლიერი ნისკარტი ითვლება.

სხვათა შორის, ნისკარტის ფორმა ფრინველის რაციონზეა დამოკიდებული, რადგან ჩვეულებრივ (იგივე ცისფერ) ალკუნს, რომელიც თევზით იკვებება სწორი და ბასრი ნისკარტი აქვს, მცირე ძუძუმწოვრებისა და ამფიბიების მოყვარული გიგანტი ალკუნი უფრო ფართო და მოკლე ნისკარტით ხასიათდება, სახეობა კი, რომელიც მწერებზე ნადირობით ირჩენს თავს - მოკაუჭებული ნისკარტით გამოირჩევა.

აღსანიშნავია, რომ სახეობათა უმეტესობას კაშკაშა ნარინჯისფერი მუცელი და იშვიათი სტრუქტურის, მოლურჯო-ცისფერი ფრთები აქვს, რაც პირველ რიგში სპეციალური პიგმენტების - კაროტინოდების დამსახურებაა.

 

AutoPlay
ოქროს ლომისებრი ტამარინი - საოცარი ცხოველი ბრჭყალებიანი მაიმუნების ოჯახიდან, რომლის პოპულაცია მხოლოდ 3 500 ინდივიდს შეადგენს, მეტად სავალალო მდგომარეობაში და პრაქტიკულად გადაშენების ზღვარზეა
25-06-2022
ჩვენი პლანეტა - გაიცანით ოპოსუმი, მინიატიურული ჩანთოსანი ცხოველი, რომელიც მეცნიერების მტკიცებით ჯერ კიდევ 100 მილიონი წლის წინ, მეზოზოურ ხანაში მოევლინა სამყაროს
18-06-2022
ზღვის ზღარბი, რომელიც სულ მცირე 500 მილიონი წლის წინ მოევლინა სამყაროს, დღემდე თავსატეხად რჩება მეცნიერებისთვის, რადგან ის უჩვეულო ბიოლოგიური თავისებურებებითა და ექსტრემალური ცხოვრების წესით ხასიათდება
11-06-2022
უძველეს ინდურ კულტურაში სიამაყისა და პატივმოყვარეობის, უკვდავებისა და უზრუნველი ცხოვრების სიმბოლოდ ქცეული ფარშევანგი, თანამედროვე სამყაროშიც უძლიერეს თილისმად ითვლება
04-06-2022
ამფიპრიონი, რომელმაც კაშკაშა კონტრასტული შეფერილობის წყალობით მიიღო მასხარა თევზის სახელი, აღიარება ამერიკულ ანიმაციურ ფილმში „ნემოს ძიებაში“ შესრულებული მთავარი როლით მოიპოვა
28-05-2022
რქაცხვირასებრთა ოჯახის წარმომადგენლები მეტწილად აფრიკის და სამხრეთ-აღმოსავლეთ აზიის, ინდოეთისა და წყნარი ოკეანის კუნძულების ტროპიკულ ტყეებში ბინადრობენ, თუმცა 10-მდე სახეობა მხოლოდ აფრიკის ენდემად ითვლება
14-05-2022
გააკეთე კომენტარი
FB კომენტარი
სხვა სიახლეები