მეტროსადგურ "სამგორში" ლიანდაგებში ჩავარდნილი ახალგაზრდა მამაკაცი დღეს დილით გარდაიცვალა. აღნიშნული ინფორმაცია "პალიტრანიუსს" ინგოროყვას საუნივერსიტეტო კლინიკაში დაუდასტურეს.
როგორც კლინიკაში აცხადებდნენ, პაციენტი კლინიკაში სიცოცხლისთვის შეუთავსებელი დაზიანებებით, კომატოზურ მდგომარეობაში შეიყვანეს და ის მართვით სუნთქვაზე იმყოფებოდა. შეგახსენებთ, გუშინ მეტროსადგურ "სამგორში" ახალგაზრდა მამაკაცი ლიანდაგებში ჩავარდა. როგორც "პალიტრანიუსს" შსს-ში განუცხადეს, მომხდარ ფაქტთან დაკავშირებით გამოძიება 115 მუხლით დაიწყო, რაც თვითმკვლელობამდე მიყვანას გულისხმობს.