დიდი მატების შემდეგ, აზიიდან ავტომობილის ტრანსპორტირების ფასი 30%-ით შემცირდა და მოსალოდნელია, ფასის კიდევ უფრო დიდი კლება - ამის შესახებ ,,ბიზნესპრესნიუსთან“ "ავტო იმპორტ ჯორჯიას“ აღმასრულებელი დირექტორი აცხადებს.
დეკემბრის ბოლოსთვის, ერთი მანქანის ჩამოყვანა კონტეინერით საშუალოდ ათას 500 დოლარი ღირდა, მაშინ როცა სექტემბერში მისი ღირებულება 750 დოლარს შეადგენდა. საახალწლოდ კი ტრანსპორტირების ფასი 2 ათას დოლარსაც გადასცდა.
როგორც კომპანიის დირექტორი ამბობს, შემცირება უკვე დაწყებულია და ამ დროისთვის ერთი ავტომობილის ტრანსპორტირება ათას 250 დოლარი ჯდება. მოსალოდნელია ფასის კიდევ მეტად კლება. კერძოდ, აზიიდან 1 ავტომობილის ჩამოყვანის ფასი სავარაუდოდ, 800 დოლარამდე ზაფხულისთვის დაიწევს.