თბილისის ინფექციიური საავადმყოფოს სამედიცინო დირექტორის მარინა ეზუგბაიას განცხადებით, კლინიკაში ამჟამად მკურნალობას 33 პაციენტი აგრძელებს, აქედან 7-ს მძიმე პნევმონია აღენიშნება. ეზუგბაიას თქმით, განსაკუთრებით მძიმეა 2 პაციენტის მდგომარეობა, რომლებთანაც მიუხედავად დაწყებული მკურნალობისა, დაავადება პროგრესირებს.
ამასთან, ინფექციური საავადმყოფოს სამედიცინო დირქტორის ინფორმაციით, გამოჯანმრთელებაზე განმეორებითი ტესტი, დაახლოებით, 10 პაციენტზე ტარდება.