"იყო დედა - ნიშნავს სრულ განაკვეთზე მუშაობას" - ალბათ ხშირად გაგიგონიათ ეს ფრაზა. ეს სრული სიმართლეა. კვლევებმა, რომელიც ამერიკელმა სპეციალისტებმა ჩაატარეს, აჩვენა: რომ საშუალოდ დედა ბავშვების მოვლაში კვირაში 93 საათს ხარჯავს - 2,5-ჯერ მეტს, ვიდრე ისინი, ვინც ყოველდღე 8 საათს მუშაობენ. კვლევის ავტორებმა გააანალიზეს 5-დან 12 წლამდე ბავშვების 2000 დედის გრაფიკი და აღმოაჩინეს, რომ დედის სამუშაო დღე იწყება დილის შვიდ საატზე და მთავრდება მინიმუმ - 21-საათზე ამასთან, თითოეულს თავისუფალი დრო რჩება საშუალოდ 1 საათი და 7 წთ.გამოკვლევის შედეგებმა კიდევ ერთხელ თვალნათლივ აჩვენა ის ძლიერი წნეხი, რომელსაც დედები ყოველდღე განიცდიან, ასევე პრობლემები, რომელსაც ისინი წყვეტენ.