„ლუკოილი“ ბრიტანულ-ჰოლანდიური ნავთობისა და გაზის კომპანია Shell-ისგან Shell Oil-ის 100%-იან წილს ყიდულობს, რომელიც ტვერის ოლქში ბენზინგასამართ სადგურების ქსელს და საპოხი მასალების ქარხანას ფლობს. ამის შესახებ ინფორმაციას „ლუკოილის“ პრესსამსახური ავრცელებს.
გარიგება ფედერალური ანტიმონოპოლიური სამსახურის თანხმობის შემდეგ დასრულდება.
Shell-ის დაუნსტრიმის სეგმენტის დირექტორი აცხადებს, რომ გარიგების ფარგლებში, Shell Oil-ის 350-ზე მეტი თანამშრომელი ახალ მფლობელთან სამუშაო ურთიერთობას შეინარჩნებს.
Shell-ს 411 ავტოგასამართი სადგური აქვს, რომელიც, ძირითადად, რუსეთის ფედერაციის ცენტრალურ და ჩრდილო-დასავლეთ ფედერალურ ოლქებში მდებარეობს. ზოგიერთი მათგანი თავად კომპანიის საკუთრებაა, ზოგი კი Shell-ის ბრენდის ქვეშ მოქმედი ფრენჩაიზია.