12:37
18 იანვარი, 2020, შაბათი
იტვირთება შემდეგი ვიდეო
ეკონომიკა
ლარის გაუფასურებამ, გარკვეული სასურსათო პროდუქტების გაძვირება გამოიწვია
12-08-2019

ლარის მკვეთრმა გაუფასურებამ, გარკვეული სასურსათო პროდუქტების გაძვირება გამოიწვია. ფასები განსაკუთრებით გაზრდილია ხორცსა და ხორცის პროდუქტებზე. თბილისის აგრარულ ბაზრებში, თუ ერთი თვის წინ ერთი კილოგრამი საქონლის ხორცის ყიდვა 18 ლარად იყო შესაძლებელი, ახლა 20 ლარი ღირს. მოვაჭრეები არ გამორიცხავენ იმასაც, რომ გაძვირება ეტაპობრივად ყველა პროდუქტს შეეხება. მათივე თქმით, ბაზარში შემცირებულია მყიდველთა რაოდენობა. ლარის გაუფასურებასთან ერთად, მოვაჭრეები, ფასის ზრდას საქონლის ხორცის დეფიციტს უკავშირებენ. დეფიციტის მიზეზად კი ცოცხალი საქონლის ქვეყნიდან გაყვანას ასახელებენ.

ფასები ასევე გაზრდილია თევზეულზე, ტკბილეულსა და შაქარზე. ამასთან, გაზრდილია ყველის, რძისა და კვერცხის ღირებულება. ფასების მატება ფიქსირდება სასოფლო-სამუერნეო პროდუქციაზეც. კერძოდ, სტატისტიკის ეროვნული სამსახურის მონაცემებით, ივლისში, წინა წლის შესაბამის პერიოდთან შედარებით, რეკორდულად, თითქმის 80 %-ით გაიზარდა მწვანე ლობიოს ფასი. ბადრიჯნის ფასი გასულ წელთან შედარებით 66%-ით მეტია. ამასთან, 39%-ით მოიმატა პომიდვრის ფასმა. ხოლო ნივრის ფასი 30, 18%-ით არის გაზრდილი.

სოფლის მეურნეობის სამინსიტროში ამბობენ, რომ პროდუქციაზე ფასის ზრდა, მოთხოვნის გაზრდითა და პროდუქციის დეფიციტითაა განპირობებული და არა ლარის კურსით. მინისტრის მოადგილის, გიორგი ხანიშვილის თქმით, იმისთვის რომ კურსის ცვლილება ნაკლებად აისახოს სასოფლო-სამეურნეო პროდუქციაზე, მნიშვნელოვანია რომ ქვეყანა ნაკლებად იყოს დამოკიდებული იმპორტზე.

ფასების ზრდას ეხმაურება რძის პროდუქტების ასოციაციაც. კახაბერ კონიაშვილის თქმით, გაუფასურებული ლარის პირობებში, რძისა და რძის პროდუქტების გაძვირება იმანაც გამოიწვია, რომ პროდუქციის წარმოებისთვის საჭირო ნედლეულის დიდი რაოდენობა იმპორტირებულია.

დისტრიბუტორთა ასოციაციში ადასტურებენ, რომ იმპორტიორებმა გარკვეული სახის პროდუქციაზე ფასები უკვე გაზარდეს, მაგრამ ლარის კურსის გათვალისწინებით არ არის გამორიცხული, რომ ფასების ზრდა კიდევ გაგრძელდეს.

AutoPlay
254 ჯარიმა და 75 გაფრთხილება - რა დარღვევები აღმოაჩინა საჯარო სამსახურის ეროვნულმა ბიურომ მოხელეთა დეკლარაციებში
გამოქვეყნდა 22 საათის წინ
სემეკი - ელექტროენერგიის, ბუნებრივი გაზისა და სასმელი წყლის მომხმარებლებს 186 677 ლარი ჩამოეწერა
გამოქვეყნდა 22 საათის წინ
აშშ-ჩინეთის პირველი ეტაპის შეთანხმების შემდეგ ეკონომისტები მსოფლიოში დადებით ტენდეციებს ელოდებიან
17-01-2020
2019 წელს ბანკებმა 45.7 მლნ ლარით მეტი ღირებულების ქონება დაისაკუთრეს, ვიდრე 2018-ში
17-01-2020
2019 წელს საქართველოში საწვავის ყველაზე დიდი რაოდენობა რუსეთიდან შემოვიდა
17-01-2020
კომპანია, რომელიც ჯარისთვის გაყინული ხორცის მიწოდებაზე 3-ჯერ დაჯარიმდა, "ოცნების" მაჟორიტარი დეპუტატობის კანდიდატის შვილს ეკუთვნის
17-01-2020
გააკეთე კომენტარი
FB კომენტარი
სხვა სიახლეები