2022 წლის მარტის ბოლოს კომერციული ბანკების მთლიანმა აქტივებმა 61.79 მლრდ ლარი შეადგინა - ამის შესახებ აღნიშნულია ეროვნული ბანკის მიერ გამოქვეყნებულ სტატისტიკაში.
სებ-ის ინფორმაციით, 2022 წლის მარტში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 98.04 მლნ ლარით, ანუ 0.2 პროცენტით გაიზარდა (გაცვლითი კურსის ეფექტის გარეშე 1.4 პროცენტით გაიზარდა).
მათივე ცნობით, საბანკო სექტორის სააქციო კაპიტალი 8.13 მლრდ ლარს შეადგენს, რაც კომერციული ბანკების მთლიანი აქტივების 13.2 პროცენტია.
2022 წლის მარტის ბოლოს მდგომარეობით, საქართველოს საბანკო სექტორი 14 კომერციული ბანკითაა წარმოდგენილი; მათ შორის 13 - საწესდებო კაპიტალში უცხოური კაპიტალის მონაწილეობით.