ქობულეთში პურის საცხობების ნაწილს გაზის ტარიფი გაეზარდა, ნაწილს

იტვირთება შემდეგი ვიდეო

ეკონომიკა

ქობულეთში პურის საცხობების ნაწილს გაზის ტარიფი გაეზარდა, ნაწილს - არა

14-01-2022

ქობულეთში პურის საცხობების ნაწილს გაზის ტარიფი გაეზარდა, ნაწილს კი გადასახადი ძველი ტარიფით მოუვიდათ. ამის შესახებ „ბიზნესპრესნიუსს“ ქობულეთის ერთ-ერთი მსხვილი საცხობის მფლობელმა განუცხადა.

მისივე ცნობით, სხვაობა 29 თეთრია და ქალაქში არსებული 7 საცხობიდან, ტარიფი მხოლოდ 5-ს გაეზარდა. როგორც საცხობში აცხადებენ, „სოკარში“ ტარიფის ზრდის მიზეზს ამ დრომდე ვერ ეუბნებიან.

ცნობისთვის, გაზის ტარიფი რეგიონებში კომერციული სექტორისთვის დეკემბერში გაიზარდა. ასევე, პურის საცხობებზე მიმდინარე წლის დასაწყისიდან აისახა ელექტროენერგიის გადასახადის ზრდაც, რომელსაც სახელმწიფო 50%-ით ასუბსიდირებდა საკვები წარმოებისათვის.