რამდენჯერ გიტირია იმის გამო, რომ წამიგია და რამდენი დედაა ასე? - ამ სიტყვებით მიმართა დედას წერეთლის გამზირზე მიკროსაფინანსო ორგანიზაციაზე თავმდამსხმელმა ლევან ზურაბაშვილმა სასამართლო პროცესის დაწყებამდე. ბრალდებულს სხდომის დაწყებამდე დედამ სთხოვა, ჩუმად ყოფილიყო.
"დედა ხომ გინდა ცოცხალი გყავდეს", - ამ სიტყვებით მიმართა ზურაბაშვილს დედამ.
"ხვალ, ზეგ აღარ გვექნება საქართველო, თუ ხმა არავინ ამოიღო. რამდენჯერ გიტირია იმის გამო, რომ წამოგია და რამდენი დედაა ასე?"- განაცხადა ზურაბაშვილმა.
ამ წუთებში, თბილისის საქალაქო სასამართლოში ბრალდებულ ლევან ზურაბაშვილის სასამართლო პროცესი მიმდინარეობს, სადაც მის მიმართ აღკვეთის ღონისძიების შეფარდებაზე მსჯელობენ.