ფინანსთა სამინისტრომ გადაწყვეტილება შეცვალა. უწყება ხორბლის იმპორტიორებისთვის აკრძალვას ერთი წლით გადაავადებს. შეთანხმებას მხარეებმა ცოტა ხნის წინ მიაღწიეს. სავარაუდოდ, მძღოლები ლილოს ტერმინალთან აქციას შეწყვეტენ. ხორბლის იმპორტიორების პროტესტი ოთხი დღე მიმდინარეობდა. დღეს აქციის ერთ-ერთმა მონაწილემ თავის დაწვაც სცადა. მან ბენზინი გადაისხა და რამდენიმე საათის განმავლობაში სახურავზე იჯდა. ვითარება ადგილზე ფინანსთა მინისტრის გამოჩენის შემდეგ განიმუხტა.