ჯონი დეპისა და ამბერ ჰერდის ურთიერთობა დიდი ინტერესის საგნად 2016 წლიდან იქცა, როცა ამბერმა განქორწინება მოითხოვა და შემდეგ ყოფილი ქმარი ძალადობაშიც დაადანაშაულა. მალე ამ გახმაურებული საქმით დაინტერესებულ ადამიანებს ორსერიანი დოკუმენტური ფილმის Johnny vs Amber ნახვა შეეძლებათ, რომელიც წყვილის დაშორების ისტორიას მოგვითხრობს.
დოკუმენტურ ფილმში ორივე მხარის ადვოკატები და წყვილთან დაახლოებული ადამიანები ისაუბრებენ. გარდა ამისა, თავად ამბერ ჰერდისა და ჯონი დეპის ინტერვიუებსა და აუდიოჩანაწერებს მოვისმენთ.