მსოფლიოში ბოლო 24 საათის განმავლობაში კორონავირუსის 106 000 ახალი შემთხვევა დადასტურდა, რაც, პანდემიის გავრცელების დროიდან დღემდე ერთი დღე-ღამის მანძილზე გამოვლენილი შემთხვევების რეკორდული მაჩვენებელია, - ამის შესახებ ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეიესუსმა განაცხადა. მისივე თქმით, შეთხვევების თითქმის ორი მესამედი ოთხ ქვეყანაში დადასტურდა.
ტედროს ადანომ გებრეიესუსმა შეშფოთება გამოხატა იმის გამო, რომ დაბალი და საშუალო შემოსავლის მქონე ქვეყნებში დაინფიცირებულების რაოდენობა მნიშვნელოვნად იზრდება.
"მსოფლიოს ჯერ კიდევ გრძელი გზა აქვს გასავლელი ამ პანდემიასთან ბრძოლის მიმართულებით", - აღნიშნა გებრეიესუსმა.
ბოლო მონაცემებით, მსოფლიოში კორონავირუსით დაინფიცირებულთა რაოდენობა 5 მილიონს აჭარბებს.