გასული კვირის განმავლობაში მსოფლიოში კორონავირუსის 2.6 მილიონი შემთხვევა გამოვლინდა, რაც, წინა კვირასთან შედარებით, 7%-ით მეტია, - ამის შესახებ ჯანდაცვის მსოფლიო ორგანიზაციის ყოველკვირეულ მიმოხილვაშია აღნიშნული.
ორგანიზაციის ინფორმაციით, შემთხვევებმა მოიმატა აღმოსავლეთ ხმელთაშუაზღვისპირეთში, სამხრეთ-აღმოსავლეთ აზიაში, ევროპასა და ამერიკაში.
ჯანმო-ს მონაცემებით, ინფიცირების ყველაზე მეტი რაოდენობა აშშ-ში, ბრაზილიაში, საფრანგეთში, იტალიასა და ინდოეთში დაფიქსირდა.
რაც შეეხება ფატალურ შემთხვევებს, გასული კვირის განმავლობაში მსოფლიოში კორონავირუსით 63 000-მდე ადამიანი დაიღუპა, რაც წინა კვირასთან შედარებით, 6%-ით ნაკლებია.