06:59
12 დეკემბერი, 2019, ხუთშაბათი
იტვირთება შემდეგი ვიდეო
ეკონომიკა
ივლისში, რუსეთიდან ვიზიტორების რაოდენობა 6.4%-ით არის შემცირებული
05-08-2019

ივლისში,  რუსეთიდან  ვიზიტორების რაოდენობა  6.4%-ით არის შემცირებული, ხოლო ზოგადად ტურისტული ვიზიტების 14%-იანი კლება გვაქვს. ამის შესახებ ტურიზმის ეროვნული ადმინისტრაციის ხელმძღვანელმა, ტურიზმის მე-2 კვარტლის სტატისტიკის შეჯამებისას განაცხადა. ამასთან,  ივლისში მნიშვნელოვნად,  60.8%-ით შემცირდა საერთაშორისო ვიზიტორების რაოდენობა ირანიდან.  ყველაზე მეტი ტურისტი კი ამ თვეში საქართველოს აზერბაიჯანიდან, თურქეთიდან და სომხეთიდან ესტუმრა. რაც შეეხება მიმდინარე წლის 7 თვის სტატისტიკას, იანვარ-ივლისში ირანიდან საერთაშორისო ვიზიტორების  53.8%-იანი კლება დაფიქსირდა. ამავე პერიოდში, რუსეთიდან  ტურისტული ვიზიტების რაოდენობა  22.1%-ით გაიზარდა. ამასთან, იანვარ-ივლისში პოზიტიური ტენდენცია ნარჩუნდება ევროკავშირის ქვეყნებიდან. განსაკუთრებით აღსანიშნავია გერმანია,  ლატვია, პოლონეთი, გაერთიანებული სამეფიო, საფრანგეთი სხვა.  აღსანიშნავია, რომ 2019 წლის პირველ 7 თვეში, საერთაშორისო ვიზიტების რეკორდული ,  242.3%-იანი ზრდა დაფიქსირდა ტაჯიკეთიდან.  მას მოსდევს ყირგიზეთი  102.3%-იანი ზრდით. ხუთეულში ასევე ლიდერობს ჩინეთი, საუდის არაბეთი და ყაზახეთი


გააკეთე კომენტარი
FB კომენტარი
სხვა სიახლეები