იუნესკოს ექსპერტების ინფორმაციით, უკრაინაში 152 კულტურული და ისტორიული მემკვიდრეობის ძეგლი მთლიანად ან ნაწილობრივ განადგურდა მას შემდეგ, რაც რუსეთმა 24 თებერვალს უკრაინაში შეჭრა დაიწყო. ამის შესახებ ინფორმაცია მედიაში ვრცელდება.
დაზიანებულ ან განადგურებულ ადგილებს შორის არის მუზეუმები და ძეგლები, ეკლესიები და სხვა რელიგიური შენობები, ბიბლიოთეკები და გამორჩეული მნიშვნელობის სხვა შენობები.
ამასთან, იუნესკო-მ აღნიშნა, რომ რუსი ჯარისკაცები ან ოფიციალური პირები, რომლებზეც დადგინდა, რომ უკრაინის მემკვიდრეობის ობიექტებს შეგნებულად აზიანებდნენ, შესაძლოა, სისხლისსამართლებრივი პასუხისმგებლობა დაეკისროთ.