ოლივიეს სალათი, რომელიც ერთ-ერთი ყველაზე პოპულარული საჭმელია ახალ წელს საქართველოში გამოიგონა შეფმზარეულმა ლუსიენ ოლივიემ საფრანგეთიდან XIX საუკუნის სამოციან წლებში. გარდა იმისა, რომ ლუსიენი იყო კულინარიის სპეციალისტი, მას ასევე ეკუთვნოდა ერმიტაჟის ტავერნა, რომელიც იმ დროს მდებარეობდა მოსკოვში, ტრუბნაიას მოედანზე. ერმიტაჟი პარიზის მდიდრული კაფეების შთაგონებით იყო შექმნილი და რუსეთის მაღალ კლასსა და ინტელიგენციას — მათ შორის, ტურგენევსა და ჩაიკოვსკისაც კი — ემსახურებოდა.
ოლივიემ კერძის იდეა პრერევოლუციური საფრანგეთის სამზარეულოდან აიღო: სინზე ელეგანტურად გაწყობილი როჭო, კიტრის მწნილი, კრევეტები, კაპარი, ბარდა, კარტოფილი და ხიზილალა მორთული სპეციალური, კვერცხით დამზადებული სოუსით.