ირლანდიაში ძალაში შევიდა მთავრობის გადაწყვეტილება, რომელიც სუპერმარკეტებში, ალკოჰოლურ და ჩვეულებრივ მაღაზიებში ალკოჰოლის გაყიდვებზე მინიმალურ ფასებს აწესებს. ინფორმაციას BBC-ი ავრცელებს.
ახალი ზომების მიხედვით, ღვინის სტანდარტული ბოთლი 7 ევროსა და 40 ცენტზე ნაკლებ ფასად, ლუდის ქილა კი ევროსა და 70 ცენტზე იაფად არ გაიყიდება. ასევე იკრძალება ალკოჰოლის 40%-იანი შემცველობის ძლიერი სასმელების 20 ევროსა და 70 ცენტზე ნაკლებ ფასად გაყიდვა, ხოლო 700 მლ ვისკის ბოთლი 22 ევროზე ნაკლებ ფასად აღარ გაიყიდება.
მთავრობა თვლის, რომ მინიმალური ფასების დაწესება საზოგადოებრივი ჯანმრთელობისთვის მნიშვნელოვანი ღონისძიებაა, რაც ალკოჰოლთან დაკავშირებული ქცევის სარისკო ფორმების შეცვლას ისახავს მიზნად.