ირანში მომხდარი ავიაკატასტროფის მიზეზი თვითმფრინავის ძრავის გაუმართაობა გახდა,- ამის შესახებ ბიბისის ცნობით, ირანში უკრაინის საელჩოში განაცხადეს.
"უკრაინული სამგზავრო ლაინერის ირანში ჩამოვარდნის მიზეზი ძრავის პრობლკემები გახდა და არა ტერორიზმი", - განაცხადეს საელჩოში.
მომხდარი ავიაკატასტროფის შედეგად სავარუდოდ, ყველა მგზავრი დაღუპულია. ამის შესახებ ირანის სახელმწიფო მედია წითელი ჯვრის ორგანიზაციაზე დაყრდნობით აცხადებს.
როგორც ცნობილია კატასტროფა უკრაინის ავიახაზების კუთვნილმა ბოინგ 737-მა განიცადა, რომლის ბორტზეც დაახლოებით 180 მგზავრი იმყოფებოდა. კატასტროფა ლაინერმა ადგილობრივი დროით დილის 6 სააათსა და 22 წუთზე თეირანის აეროპორტიდან აფრენიდან მაველე განიცადა. თვითმფრინავი კიევში მიემგზავრებოდა. ჯერჯერობით უცნობია თუ რამ გამოიწვია კატასტროფა. "ბიბისის" ცნობით, უცნობია, ინციდენტი დაკავშირებულია თუ არა ირან-ამერიკის დაპირისპირებასთან.
ამჟამად კატასტროფის ადგილას სამაშველო ჯგუფები მუშაობენ.