21:55
7 აგვისტო, 2020, პარასკევი
იტვირთება შემდეგი ვიდეო
News
ინფორმაცია მათთვის, ვინც ზღვაზე წასვლას აპირებს - საშიშია თუ არა შავ ზღვაში ბანაობა და რა რეკომენდაციები აქვთ სპეციალისტებს?
20-07-2017

გარემოს ეროვნული სააგენტოს ინფორმაციით, ინფექციის გამო, რითაც დელფინები არიან დაავადებული, შავ ზღვაში ბანაობა საფრთხეს არ წარმოადგენს

გარემოს ეროვნული სააგენტოს ინფორმაციით, მორბილვირუსულის ინფექციის გამო, რითაც სავარაუდოდ, დელფინები არიან დაავადებული, შავ ზღვაში ბანაობა ადამიანის ჯანმრთელობისთვის საფრთხეს არ წარმოადგენს.

როგორც „ინტერპრესნიუსს“ გარემოს ეროვნული სააგენტოს უფროსმა თამარ ბაგრატიამ განუცხადა, აღნიშნული ვირუსი ადამიანზე არ გადადის.

„ეს ვირუსი ადამიანს არ გადაეცემა და ამ ვირუსით უშუალოდ წყალი არ ბინძურდება. დელფინები არიან ვირუსით დაავადებული, თუმცა ძუძუმწოვრიდან ადამიანზე ვირუსი არ გადადის. შესაბამისად, კონკრეტულად დელფინებთან დაკავშირებული ვირუსის ნაწილში შავი ზღვა სრულიად უსაფრთხოა“, - განაცხადა თამარ ბაგრატიამ.

რაც შეეხება იმას, რომ სპეციალისტები მოსახლეობას ურჩევენ, მკვდარ დელფინს არ შეეხონ, გარემოს ეროვნული სააგენტოს უფროსის თქმით, ეს რეკომენდაცია მხოლოდ იმის გამო გაიცა, რომ ძუძუმწოვრები შესაძლოა სხვა ვირუსებითაც იყვნენ დაავადებული.

„თუ ძუძუმწოვარი მორბილვირუსულის ინფექციით ავადდება, მას უქვეითდება იმუნიტეტი და შესაბამისად, შეიძლება რაღაც სხვა ტიპის ვირუსსაც ატარებდეს. ამიტომ ვუთხარით ადამიანებს, რომ არ შეეხონ მკვდარ ძუძუმწოვრებს, რადგან რაღაც სხვა ტიპის ვირუსის გადადება არ მოხდეს, რისი თეორიული შანსიც არსებობს“, - აღნიშნა გარემოს ეროვნული სააგენტოს უფროსმა.

სპეციალისტები მოსახლეობას მოუწოდებენ, სიფრთხილე გამოიჩინონ და ნაპირზე გამორიყულ ზღვის ძუძუმწოვრებს არ შეეხონ. როგორც გარემოს ეროვნულ სააგენტოში აცხადებენ, მეთევზეობისა და შავი ზღვის მონიტორინგის დეპარტამენტის მიერ, წელს, შავი ზღვის სანაპიროზე ზღვის ძუძუმწოვრების (დელფინების) გამორიყვის ფაქტები დაფიქსირდა, რაც შესაძლოა, განპირობებული იყოს დელფინთა მორბილვირუსული ინფექციით.

მსავსი ფაქტების დაფიქსირების შემთხვევაში სააგენტო მოსახლეობას სთხოვს, დაუკავშირდნენ გარემოსა და ბუნებრივი რესურსების დაცვის სამინისტროს ცხელ ხაზზე: 153

AutoPlay
ინდოეთში თვითმფრინავმა, რომლის ბორტზეც 200 ადამიანი იმყოფებოდა, ავიაკატასტროფა განიცადა
გამოქვეყნდა 51 წუთის წინ
პოლიციამ კომპანია ZAG-ის თანამშრომლების სახლებში ჩხრეკა ჩაატარა
გამოქვეყნდა 3 საათის წინ
გოგი თოფაძის შვილიშვილი ლევან თოფაძე საავადმყოფოდან გაწერეს
გამოქვეყნდა 3 საათის წინ
ოკუპაცია საქართველოს ყველა მოქალაქისათვის უდიდესი ტკივილია, ამ ტრაგედიას ერთნაირად განვიცდით საოკუპაციო ხაზის ორივე მხარეს - სალომე ზურაბიშვილი
გამოქვეყნდა 3 საათის წინ
ოთხ მუნიციპალიტეტში ახალი კომუნალური ინფრასტრუქტურის მშენებლობა-რეაბილიტაციისთვის 130 მლნ ევრო დაიხარჯება
გამოქვეყნდა 3 საათის წინ
2008 წლის რუსეთ - საქართველოს ომის გმირებისადმი მიძღვნილი ფეხბურთის ტურნირი დასრულდა
გამოქვეყნდა 3 საათის წინ
გააკეთე კომენტარი
FB კომენტარი
სხვა სიახლეები