ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ამჟამად საავადმყოფოში 24 პაციენტი იმყოფება, საიდანაც 11-ს დღეს ანალიზს აუღებენ. რაც შეეხება ახალი კორონავირუსით დაინფიცირებულ 3 პირს, ეზუგბაიას განმარტებით, მათი ჯანმრთელობის მდგომარეობა სტაბილურია. როგორც ინფექციური საავადმყოფოს სამედიცინო დირექტორმა აღნიშნა, ისინი მკურნალობის შესაბამის კურსს გადიან და ინტენსიური დაკვირვების პროცესში იმყოფებიან.