03:54
19 მაისი, 2022, ხუთშაბათი
იტვირთება შემდეგი ვიდეო
ეკონომიკა
იაპონია რუსეთში მაღალტექნოლოგიური აღჭურვილობის ექსპორტს კრძალავს
13-05-2022

იაპონია იმ საქონლისა და ტექნოლოგიების სიას აფართოებს, რომელთა ექსპორტიც რუსეთში იკრძალება უკრაინის ირგვლივ შექმნილი ვითარების გამო, - მედიის ინფორმაციით, ამის შესახებ იაპონიის ეკონომიკის, ვაჭრობისა და მრეწველობის სამინისტრომ განაცხადა.

მათივე ცნობით, აკრძალვა უკვე დაამტკიცა ქვეყნის მთავრობამ და ძალაში 20 მაისს შევა.

საერთო ჯამში, განახლებულ დოკუმენტს აქვს 14 ახალი ჩანაწერი, მათ შორის 3D პრინტერები და კვანტური გამოთვლითი მოწყობილობა, ელექტრონული და ატომური ძალის მიკროსკოპები და ნავთობის გადამამუშავებელი კატალიზატორები.

შეგახსენებთ, რომ უკრაინაში შეჭრის გამო იაპონიამ რუსეთს სანქციების რამდენიმე პაკეტი დაუწესა. პერსონალური სანქციების სამიზნეა რუსეთის ხელისუფლების წარმომადგენლები და ბიზნესმენები. ექსპორტისთვის აკრძალული საქონლისა და ტექნოლოგიების ჩამონათვალში შედის 300-ზე მეტი ჩანაწერი.  გარდა ამისა, იაპონიამ გაყინა Otkritie Bank-ის, Novikombank-ის, Sovcombank-ის, VTB-ის, Rossiya Bank-ის, Promsvyazbank-ისა და VEB.RF-ის აქტივები. ამასთან, იაპონიამ „შავ სიაში“ შეიყვანა რუსეთის, ბელარუსის და ე.წ. დონეცკისა და ლუგანსკის სახალხო რესპუბლიკების 700-ზე მეტი მოქალაქე, ასევე 200-ზე მეტი რუსული კომპანია და ორგანიზაცია.

 

გააკეთე კომენტარი
FB კომენტარი
სხვა სიახლეები