შვედური მოდის გიგანტი, H&M მეტავერსის ინდურ პლატფორმა Ceek-თან მოლაპარაკებებს აწარმოებს, რათა ვირტუალურ სამყაროში თავისი პირველი მაღაზია გახსნას. პორტალ RetailDetail-ის ცნობით, ვირტუალურ H&M-ში მომხმარებლები ციფრული პროდუქტების შეძენასაც შეძლებენ.
Ceek-ის ვირტუალურ სამყაროში H&M-ის გახსნაზე ინფორმაცია გასული წლის ბოლოს გავრცელდა, რაც ნაადრევი სიახლე აღმოჩნდა, რადგან ინდური პლატფორმა Ceek-მა მოდის შვედურ გიგანტთან მოლაპარაკებები ახლა დაიწყო. გადაწყვეტილება ჯერ მიღებული არ არის, თუმცა Ceek-მა, რომელიც VR და AR აპლიკაციებზე არის სპეციალიზებული, კონცეფციის მტკიცებულება უკვე შეიმუშავა.
H&M-ის მაღაზია Ceek City-ში განთავსდება, სადაც მომხმარებელს, ასევე, სხვა მაღაზიების, კონცერტებისა და სპორტული ღონისძიებების მონახულება შეუძლია.