გურჯაანის რაიონში მომხდარი ავარიის შედეგად ორი ადამიანი დაშავდა. მათი მდგომარეობა საკმაოდ მძიმეა. დაშავებულები თელავის რეფერალურ საავადმყოფოში გადაიყვანეს. ავტოსაგზაო შემთხვევა სოფელ კახიფართან მოხდა. სავარაუდოდ, დიდი სიჩქარით მოძრავი ავტომანქანის მძღოლმა საჭე ვერ დაიმორჩილა და ხეს შეეჯახა. შსს-ს პრესსამსახურის ინფორმაციით მომხდარ ფაქტზე გამოძიება სსკ-ის 276-ე მუხლის პირველი ნაწილით მიმდინარეობს, რაც ტრანსპორტით მოძრაობისა და ექსპლუატაციის წესის დარღვევას გულისხმობს.