გერმანიის ცენტრალური ბანკის პროგნოზით, ქვეყანას ეკონომიკის აღსადგენად ორი წელიწადი დასჭირდება. ამის შესახებ Reuters-ი იუწყება.
ცენტრალური ბანკის განცხადების მიხედვით, 2020 წელს ქვეყნის ეკონომიკა 7.1%-ით შემცირდება.
ბუნდესბანკის პროგნოზით, 2021 წლისთვის ქვეყანა ეკონომიკის 3.2%-იან ზრდას მიაღწევს, 2022 წელს კი ეს ნიშნული 3.8%-მდე გაიზრდება.
ბუნდესბანკის პროგნოზი ფაქტობრივად, ზუსტად ემთხვევა მთავრობისა და მისი ეკონომიკური ექსპერტების საბჭოს პროგნოზს. მათი ვარაუდით, ქვეყნის ეკონომიკის შემცირება წელს 6% -დან 7%-ის დიაპაზონში იქნება.