აზიიდან ავტომობილების ტრანსპორტირება გაძვირდა. თუ სექტემბრამდე ერთი მანქანის ჩამოყვანა კონტეინერით საშუალოდ 750 დოლარი ღირდა, ახლა მისი ფასი ათას 500 დოლარია. ,,ავტო იმპორტ ჯორჯიას“ აღმასრულებელი დირექტორი ვარაუდობს, რომ ფასების მატება სეზონურია და ახალი წლის შემდეგ ტრანსპორტირების ღირებულება ისევ შემცირდება, თუმცა ძველ ნიშნულს ვეღარ დაუბრუნდება.
ცნობისთვის, 2020 წლის იანვარ-ოქტომბერში საქართველომ მსოფლიოს 59 ქვეყანაში 71 ათას 690 ერთეული მსუბუქი ავტომობილი იყიდა, ეს კი 47,2%-ით ნაკლებია 2019 წლის ანალოგიურ პერიოდთან შედარებით. საქართველომ ყველაზე მეტი ავტომობლი ამერიკის შეერთებულ შტატებში იყიდა, ასევე იაპონიაში, გერმანიაში, კორეასა და ბელგიაში.