გაერო-ს სურსათისა და სოფლის მეურნეობის ორგანიზაციის (FAO) სურსათის ფასების ინდექსი, იანვარში მზარდი ტენდენციით გამოირჩეოდა და 164.8 ერთეული შეადგინა. მათივე ინფორმაციით, ეს მაჩვენებელი 2018 წლის დეკემბერთან შედარებით, 1.8%-ით მეტი, ხოლო 2018 წლის იანვრის მაჩვენებელთან შედარებით, 2.2%-თ ნაკლებია.
ცნობისთვის, FAO-ს სურსათის ფასების ინდექსი სამომხმარებლო კალათის 5 ძირითადი პროდუქტის - რძის, მარცვლეულის, მცენარეული ზეთის, შაქრისა და ხორცის საერთაშორისო ფასების ცვალებადობას ასახავს.