17:37
26 იანვარი, 2022, ოთხშაბათი
იტვირთება შემდეგი ვიდეო
ჩვენი პლანეტა
ევროპულ ფოლკლორში ათვალწუნებული ცხოველი, რომელმაც დიდი ხნით გაიფუჭა რეპუტაცია, თუმცა ეგვიპტელები მას გარდაცვლილთა სულების მფარველად მიიჩნევდნენ
20-11-2021

ევროპულ ფოლკლორში ათვალწუნებული ტურა, რომელმაც დიდი ხნით გაიფუჭა რეპუტაცია, ყოველთვის განსაკუთრებული პატივისცემით სარგებლობდა ძველეგვიპტურ მითოლოგიაში. ეგვიპტელები ცხოველს გარდაცვლილთა სულების მფარველად მიიჩნევდნენ, მიცვალებულთა სამეფოს ღმერთს ანიბუსს კი, სწორედ ტურას თავით და ადამიანის ტანით გამოსახავდნენ. საკუთარი თქმულებები აქვთ კავკასიელებსაც, რომლებიც ხშირად მლიქვნელ, გაქნილ ადამიანსაც ცხოველს ადარებენ და მისი სახელით მოიხსენიებენ. ერთ-ერთი ლეგენდის თანახმად, ცხოველის განწირული კივილი სწორედ ადამიანის დამსახურებაა, რომელმაც ორი ტურა შეიფარა, ერთი შეიყვარა და ძაღლად აქცია, მეორე კი, სახლიდან გააგდო და სამუდამოდ გადაიმტერა. ამბობენ, თითქოს სასოწარკვეთილი კივილით, გაბოროტებული ტურა სწორედ მოღალატე ადამიანს წყევლის.

ტურა თითქმის მთელ ევროპასა და აფრიკაში, ახლო აღმოსავლეთში, სამხრეთ აზიაში ვრცელდება და ერთნაირად კარგად ეგუება როგორც მშრალი სტეპების, ისე ტენიანი ტყისა და  მთის კლიმატს, საკვების ძიებაში შორ მოგზაურობაში ჩაბმული კი, უცხო ტერიტორიებსაც სწრაფად ითვისებს. მართალია, მე-19 საუკუნის ევროპაში ტურა ბალკანეთის ნახევარკუნძულის ენდემად ითვლებოდა, მაგრამ რამდენიმე ათეული წლის შემდეგ მთელ კონტინენტზე გავრცელდა. აზიაში ცხოველმა ავღანეთი, ინდოეთი და პაკისტანი, მიანმა, ბუტანი, ნეპალი აირჩია დასაბინავებლად და 3 000 მეტრის სიმაღლეზე დალაშქრა ჰიმალაი, არაბეთის ნახევარკუნძულზე კი, ირანში, ერაყში გამრავლდა და პრაქტიკულად სრულად დაიპყრო აფრიკის კონტინენტი.

ტყის ტურა ხშირი მცენარეების ჯაგნარს ან მაღალ ბალახს ირჩევს დასაბინავებლად, კორდებზე იწყობს ბუნაგს და იშვიათად თხრის სოროს, სტეპის და ნახევრად სტეპის ბინადარი კი, მეტწილად ბუნებრივ ჩაღრმავებას პოულობს მიწაში და მხოლოდ თავშესაფრის გარეშე დარჩენილი იწუხებს თავს სოროს ამოთხრით. 

AutoPlay
არქტიკული თეთრანა ანუ პოლარული კურდღელი
22-01-2022
მუდამ მომღიმარი ალპაკა, აქლემისებრთა ოჯახის ძუძუმწოვარი ცხოველია
15-01-2022
საოცრად სწრაფი, ძლიერი და ამტანი - მუსტანგი, ცხოველი, რომელიც რესპექტაბელური იერის მიუხედავად, რთული ხასიათითა და თავნება ზნით გამოირთევა
08-01-2022
იცოდით, რომ პირველი თეთრი ვეფხვი ინდოელმა მონადირემ 1951 წელს მოიძია? - გაიგეთ მეტი ამ ულამაზესი ცხოველის შესახებ
01-01-2022
ცხოველი, რომელიც ავი ზნითა და მტაცებლური ინსტიქტით გამოირჩევა, ის ადამიანსაც მოურიდებლად ესმიხს თავს, თუმცა თავდაცვის მიზნით
25-12-2021
პოლარულუ ბუ ყველაზე იდუმალებით მოცული მფრინველია, რომელიც ერთის მხრივ, დარდს, მარტოობასა და ნოსტალგიას განასახიერებს, მაგრამ მეორეს მხრივ, ის სიმდიდრეს, კეთილდღეობას და ზებუნებრივ ძალას სიბოლიზირებს
18-12-2021
გააკეთე კომენტარი
FB კომენტარი
სხვა სიახლეები