თბილისი. 31 აგვისტო. “ინტერპრესნიუსი“ - საქართველოს ეროვნულმა საკალათბურთო ნაკრებმა ისრაელში, ქალაქ თელ-ავივში, ევრობასკეტის პირველ შეხვედრაში ლიტვა ანგარიშით 79:77 დაამარცხა. შეხვედრაში უპირობო ფავორიტად ლიტვა ითვლებოდა, თუმცა საქართველომ მეტოქე დაამარცხა და ევრობასკეტზე პირველივე შეხვედრაში გამარჯვება მოიპოვა. საქართველოს ნაკრებიდან ყველაზე მეტი ქულა (29) თორნიკე შენგელიამ მოაგროვა. შემდეგ შეხვედრას ილიას ზუროსის გუნდი 2 სექტემბერს, გერმანიის წინააღმდეგ გამართავს.