03:14
19 აპრილი, 2021, ორშაბათი
იტვირთება შემდეგი ვიდეო
News
ესპანეთის პრემიერ-მინისტრი - დიდი ბრიტანეთის მიერ ესპანეთისთვის დაწესებული სამგზავრო შეზღუდვები არამართებულია
28-07-2020

დიდი ბრიტანეთის მთავრობის მიერ ესპანეთისთვის დაწესებული სამგზავრო შეზღუდვები არამართებულია, - ამის შესახებ ესპანეთის პერმიერ-მინისტრმა პედრო სანჩესმა განაცხადა. მისივე თქმით, ტურისტები ესპანეთის უმეტეს რეგიონში უფრო დაცულები იქნებიან, ვიდრე გაერთიანებულ სამეფოში.

"ბრიტანეთის ხელისუფლებასთან მოლაპარაკებებს ვაწარმოებთ, რათა ისინი დავარწმუნოთ, გადახედონ ზომას, რომელიც, ჩვენი აზრით, ესპანეთში, განსაკუთრებით კი ზოგიერთ ტურისტულ რეგიონში, არსებულ ეპიდსიტუაციასთან შესაბამისობაში არ არის", - განაცხადა პედრო სანჩესმა.

მისივე თქმით, ქვეყანაში დაფიქსირებული ახალი შემთხვევების 64.5% ორ ტერიტორიაზე მოდის და ესპანეთის უმეტეს ნაწილში კოვიდ-19-ის გავრცელების მაჩვენებელი გაერთიანებულ სამეფოში დაფიქსირებულ შემთხვევებს მნიშვნელოვნად ჩამორჩება.

დიდმა ბრიტანეთმა საკუთარ მოქალაქეებს მოუწოდა, ესპანეთში გამგზავრებისგან თავი შეიკავონ. ესპანეთიდან ქვეყანაში ჩასული პირებისთვის კი ორკვირიანი კარანტინის დაწესების გადაწყვეტილება მიიღო.

გააკეთე კომენტარი
FB კომენტარი
სხვა სიახლეები