უცნაურია, მაგრამ ბრიტანელი სამართალდამცავები ყოველთვის სტერეოტიპების გავლენით მოქმედებენ და მოქალაქეებს კარგი რეპუტაციით, არასდროს განიხილავნ მთავარ ეჭვმიტანილებად. მეტიც, ბრიტანელებს ანდაზა კი აქვთ: "ინგლისში ჯენტლმენებს სიტყვაზე ენდობიან", რაც ზუსტად ასახავს ყველაზე კონსერვატორი ნაციის ხშირად გულუბრყვილო ნდობას ერთმანეთის მიმართ. სწორედ ამგვარი სტერეოტიპული აზროვნების წყალობით, პატივცემული და ერთი შეხედვით რესპექტაბელური ჰაროლდ შიპმანი წლების მანძილზე ისტუმრებდა იმ ქვეყნად უდანაშაულო პაციენტებს და წარმატებით აღწევდა თავს მართლმსაჯულებას. მართალია, მანიაკალური იდეებით შეპყრობილ "დოქტორ სიკვდილს" დღეს მხოლოდ სიძულვილით იხსენებენ, მაგრამ თავის დროზე მის მოწყალებასა და გულისხმიერებაში ეჭვი არავის შეჰპარვია.