ოკუპირებული ცხინვალის რეგიონის ე.წ. პარლამენტმა საოკუპაციო ხაზთან არსებულ სიტუაციაზე განცხადება გაავრცელა, რომელშიც საქართველოს ხელისუფლების მიერ "რესპუბლიკის" ტერიტორიაზე შეიარაღებული ფორმირებების შეყვანა შეუნიღბავი აგრესიის ფაქტადაა შეფასებული.
როგორც განცხადებაშია აღნიშნული, ეს რეგიონში სამხედრო-პოლიტიკური მდგომარეობის დესტაბილიზაციისკენ არის მიმართული.
ე.წ. სამხრეთ ოსეთის პარლამენტის განცხადებაში ასევე აღნიშნულია, რომ "პროვოკაციები, რომლებიც არღვევენ სამხრთ ოსეთის ტერიტორიულ მთლიანობას, ყველა შესაძლო, მათ შორის ძალისმიერი საშუალებებით იქნება აღკვეთილი".
"აშშ-სა და ნატო-ს წევრ სახელმწიფოებს, რომლებიც მხარს უჭერენ საქართველოს მის პროვოკაციულ საქმიანობაში, უშუალოდ ეკისრებათ პასუხისმგებლობა სამხრეთ კავკასიაში მშვიდობისა და სტაბილურობისათვის ძირის გამოთხრაში", - ნათქვამია განცხადებაში, რომელიც ე.წ. პარლამენტის საიტზეა გამოქვეყნებული.