14:21
19 აგვისტო, 2019, ორშაბათი
იტვირთება შემდეგი ვიდეო
ამბები
ძაღლებს შეუძლიათ ყნოსვით ეპილეფსიური შეტევა წინასწარ ამოიცნონ - რისი იმედი აქვთ კვლევის ავტორ ფრანგ სპეციალისტებს?
16-04-2019

მკვლევარებმა აღმოაჩინეს, რომ ადამიანების საუკეთესო მეგობრები ეპილეფსიური შეტევის წინმსწრებ მდგომარეობას სუნთქვით ან ოფლით გრძნობენ. ძაღლს უნარი აქვს, წინასწარ გააფრთხილოს პატრონი ან მისი ოჯახის წევრები, სანამ ეპილეფსიური შეტევა დაიწყება.

მორიგმა კვლევამ აჩვენა, რომ ძაღლებს არა ერთი დაავადების წინასწარ განსაზღვრა შეუძლიათ.

სპეციალისტებმა ექსპერიმენტის საშუალებით გამოავლინეს, რომ ჩვენი ოთხფეხა ბინადარი ეპილეფსიურ შეტევას წინასწარ გრძნობს და ცხოველს ამის ამოცნობა ადამიანის სუნთქვით ან მისი ოფლით შეუძლია. ცდის ფარგლებში, გაწვრთნილ ძაღლებს საშუალება ჰქონდათ, დაეყნოსათ სხვადასხვა ნიმუში. შედეგად, ისინი 100% სიზუსტით ცნობდნენ ეპილეფსიით დაავადებული ადამიანის კუთვნილ ნივთს.

ცნობილია, რომ ეპილეფსიის შეტევა ადამიანის სიკვდილის რისკს სამჯერ ზრდის, ასევე, ამ დაავადების მქონე პაციენტებში, აუხსნელი, უეცარი სიკვდილის რისკი მაღალია. კვლევის ავტორები იმედოვნებენ, რომ მათი მუშაობის შედეგები სპეციალისტებს ტესტის შემუშავების საშუალებას მისცემს. ეს ტესტი პაციენტს დაეხმარება, ეპილეფსიურ შეტევას გაცილებით მომზადებული შეხვდეს: გულყრის თავიდან ასაცილებლად დალიოს სპეციალური მედიკამენტი ან უზრუნველყოს გარემო უსაფრთხოება, რათა შეტევისას მან დაზიანებები არ მიიღოს.

კვლევა ჩატარდა ფრანგი სპეციალისტების მიერ, რომლებიც ცხოველისა და ადამიანის ეტიოლოგიის კვლევით ცენტრში მუშაობენ.

AutoPlay
"საკმაოდ "ძვირია" გადახდილი იმაში, რომ თითოეულმა ადამიანმა შეძლოს ფერიცვალება" - რა უნდა იცოდეს ქრისტიანმა ფერიცვალების შესახებ
გამოქვეყნდა 20 საათის წინ
26 წლამდე ახალგაზრდები საშემოსავლო გადასახადისგან გაათავისუფლეს - პოლონეთში მიღებული გადაწყვეტილება 2 მილიონ ადამიანს შეეხება
31-07-2019
ყველაფერი, რაც მწერების ნაკბენების შესახებ გაინტერესებთ - თქვენს კითხვებს პარაზიტოლოგი პასუხობს
31-07-2019
ელიზაბეთ ტეილორის Rolls-Royce აუქციონზე გაიყიდება
31-07-2019
მსახიობი რუსი ტეილორი, რომელიც მინი მაუსს ახმოვანებდა გარდაიცვალა
31-07-2019
ბუნებრივი რესურსების წლიური ნორმა უკვე გახარჯულია
31-07-2019
გააკეთე კომენტარი
FB კომენტარი
ხათუნა
16-04-2019
ვაა ეს საინტერესოა ,არ დამავიწყდება ჩემი შვილი დავსაჯე და ჩაცუცქული ტიროდა მისულიყო ჩვენი ეზოს ძაღლი წინ დამჯდარი თათს მხარზე უტყაპუნებდა ამხნევებდა მოდი და ნუ გეყვარება ძაღლი
სხვა სიახლეები