ჩხოროწყუს მუნიციპალიტეტში, მუხურის მთაზე ხანძარი ლოკალიზებულია. ამის შესხებ ინფორმაციას საგანგებო სიტუაციების მართვის სამსახური ავრცელებს.მათივე ინფორმაციით, დილიდან, მუხურის მთაზე ხანძრის ქრობის პროცესში ჩართულია 45 მეხანძრე-მაშველი. რთული რელიეფის გამო, კერებთან სახანძრო ტექნიკის მიყვანა ვერ ხერხდება.
"ამ დროისთვის, სიტუაცია კონტროლს სრულად ექვემდებარება, ხანძრის დასახლებულ პუნქტზე ან ტყის მასივზე გავრცელების საფრთხე არ არსებობს", – ნათქვამია საგანგებო სიტუაციების მართვის სამსახურის ინფორმაციაში. მათივე ინფორმაციით, მთელი ღამის განმავლობაში, უსაფრთხოების და მონიტორინგის მიზნით, ადგილზე იმყოფებოდნენ სახანძრო-სამაშველო ჯგუფები.