სწორი კვება, ფიზიკური ვარჯიში, წითელი ხორცისა და ალკოჰოლის შეზღუდვა ექიმების ძირითადი რეკომენდაციებია. განსაკუთრებული მნიშვნელობა ენიჭება ნორმალური წონის შენარჩუნებას. როგორც კვლევებმა აჩვენა, ჭარბი წონა 12 სახეობის კიბოს განვითარების რისკ ფაქტორია. სიმსუნქე ასევე დაკავშირებულია გულსისხლძარღვთა სისტემისა და შაქრიანი დიაბეტის განვითარების რისკთან. წონის კორექციისა და შენარჩუნებისთვის რაც შეიძლება მეტი ხილი და ბოსტნეული უნდა მივიღოთ. ალკოჰოლის, ტკბილი გაზიანი სასმელების, ფასტ-ფუდების, მარილიანი საკვების მიღება უკიდურესად უნდა შეიზღუდოს ან საერთოდ ამოვიღოთ რაციონიდან.ხორცის სამრეწველო დამზადებისას გამოიყენება კანცეროგენურლი ნივთიერებები, ამიტომ კვირაში 500 გრამზე მეტი დამუშავებული ხორცის პროდუქტების მიღება არაა რეკომენდებული.