ამბროლაურის მუნიციპალიტეტის 3 სოფელი, მთის მასივის ჩამოწოლის შედეგად, გარესამყაროს მოწყდა. მდინარე ლუხუნის ხეობაში მდებარე სოფლები ლიხეთი, აბარი და ურავის დამაკავშირებელ გზაზე მთა ჩამოიშალა, რომელმაც გზის სავალი ნაწილი ჩაკეტა.
სოფლებში დაახლოებით 900-მდე ოჯახი ცხოვრობს. საავტომობილო გზების დეპარტამენტის ინფორმაციით, წესი-ურავის საავტომობილო გზაზე ჩამოსული კლდოვანი მასის წმენდა მძიმე ტექნიკის მეშვეობით, უწყვეტ რეჟიმში მიმდინარეობს.