ბუნების მოვლენებისგან თავის დაცვის სხვადასხვა საშუალებებს შორის ჩვენს გარდერობში აუცილებლად მოიძებნება ქოლგა - სხვადასხვა ამინდში გამოსაყენებელი აქსესუარი, რომლის დამცავი, დეკორატიული და დამხმარე ფუნქციების შესახებ დღევანდელ გადაცემაში მოგითხრობთ. სხვადასხვა მასალისგან დამზადებული უმეტესწილად გასაშლელი ნივთია, რომელსაც საჭიროებისამებრ იყენებენ როგორც წვიმაში, ასევე ძალიან მცხუნვარე მზისგან დასაცავად. შესაბამისად მასალა, რომელიც მას საფუძვლად უდევს გათვალისწინებულია კონკრეტული პირობისათვის. ძირითადად მზადდება ხის, რკინის, ნაჭრის, ქაღალდის და სხვა შესაბამისი მატერიისგან, რაც უზრუნველყოფს მაქსიმალურ კომფორტს განსხვავებულ ამინდში და განაპირობებს მოცემული ნივთის გამძლეობას.