ადამიანი, რომელსაც კარგად იცნობდნენ მშობლიურ ნიუ-იორკში და რომლის სახელი მაფიის სინონიმად იქცა. ადამიანი, რომელმაც ხუთი განგსტერული ოჯახი დაიმორჩილა და რომლის შემოსავალი წელიწადში 20 მლნ. დოლარს აღემატებოდა. ადამიანი, რომელმაც კრიმინალური პირამიდისკენ გზა ბრონქსის ჯურღმულებიდან გაიკვლია, რომელიც ამერიკის კრიმინალისტიკის ისტორიაში ყველაზე იღბლიან, მოხერხებულ მაფიოზად შევიდა და მე-20 საუკუნის მეორე ნახევრის განგსტერული სამყაროს ნამდვილ ლეგენდად იქცა - სწორედ ასე ახასიათებდნენ ჯონ გოტის - "ბოსების ბოსს", რომელსაც ხშირად "ტეფლონის დონის" სახელითაც მოიხსენიებდნენ, რადგან ყოველთვის საოცარი სიმსუბუქით არიდებდა თავს მართლმსაჯულებას და არასდროს "იკრობდა" მრავალრიცხოვან ბრალდებებს.