12:37
16 სექტემბერი, 2019, ორშაბათი
იტვირთება შემდეგი ვიდეო
მკურნალი
ბევრი სახიფათო სოკოს შტამი მუტაციას განიცდის და წამლების მიმართ რეზისტენტული ხდება
11-06-2019

მთელი მსოფლიოს სპეციალისტები საუბრობენ ადამიანისთვის პოტენციურად სასიკვდილო ობის სოკოს რეზისტენტული შტამების გავრცელებაზე. ბევრი სახიფათო სოკოს შტამი განიცდის მუტაციას და ხდება რეზისტენტული,დღეისთვის შემუშავებული სოკოს საწინააღმდეგო ფუნგიციდური პრეპარატების მიმართ. მაგალითად, საფუარა სოკოს Candida auris შტამების დაახლოებით 90%, რომელიც მძიმე ინფექციების მიზეზი შეიძლება გახდეს, რეზისტენტულია ერთ-ერთი სახეობის ფუნგიციდის მიმართ მაინც. გარდა ამისა, მოსახლეობის მუდმივი მიგრაციის შედეგად სოკოს მდგრადი შტამები სხვადასხვა კონტინენტზე ადვილად ვრცელდება.

ჯერ კიდევ 2003 წელს, წამლის მიმართ რეზისტენტული სოკოვანი ინფექცია პრაქტიკულად არ არსებობდა. ახლა მდგრადი სოკოვანი ინფექციები მნიშვნელოვნად გახშირდა. დღეისათვის ევროპაში მილიონზე მეტ ადამიანს აღენიშნება სოკო Aspergillus-ით გამოწვეული სასუნთქი გზების დაზიანებები.

თუ ადრე ითვლებოდა, რომ სოკოს სახეობა Cryptococcus აზიანებდა მხოლოდ შიდსით დაავადებულ, დასუსტებული იმუნიტეტის მქონე ადამიანებს, ახლა ჩრდილოეთ ამერიკაში გამოჩნდა შტამი, რომელიც საკმაოდ ძლიერად უტევს ჯანსაღი იმუნიტეტის მქონე ადამიანებს. ამასთან, ამ სოკოს შტამები ასევე რეზისტენტულია ფუნგიციდების მიმართ.

სპეციალისტების განცხადებით, რეზისტენტული სოკოების გავრცელებას ხელს უწყობს სოფლის მეურნეობაში ფუნგიციდების გამოყენება, რაც მიკროორგანიზმებს მუტაციის საშუალებას აძლევს. აღსანიშნავია,რომ ქრონიკული სოკოვანი ინფექციები ადამიანებში ხშირად არ დიაგნოსტირდება.

ზოგიერთი კვლევის წინასწარი შედეგებით, მეცნიერები ვარაუდობენ, რომ ფარული სოკოვანი ინფექცია შეიძლება იყოს ალცჰაიმერის, კრონისა და სხვა დაავადებების საფუძველი.

AutoPlay
"ავერსმა" "მტრედი ბარათის" გათამაშების გამარჯვებულებს პრიზები გადასცა
30-07-2019
"IDEA" - სტომატოლოგიური განათლების საერთაშორისო აკადემია უწყვეტი პროფესიული განვითარებისათვის
28-07-2019
მეცნიერები: თითქმის ყველას შეუძლია შეამციროს დემენციის რისკი - 200 ათასი ადამიანზე ჩატარებული კვლევის შედეგები
26-07-2019
გარგარი შეიცავს ნაერთს, რომელიც ღვიძლიდან მავნე ნივთიერებებს გამოდევნის - სპეციალისტები მის გადაჭარბებული დოზით მიღებას მაინც არ გვირჩევენ
25-07-2019
პროდუქტები, რომლებიც ყველაზე სასარგებლოა ზაფხულში
24-07-2019
რისი მანიშნებელია წითელი ხელისგულები - თუ მყარად მიიღო წითელი შეფერილობა, ეს სერიოზული სიგნალია
23-07-2019
გააკეთე კომენტარი
FB კომენტარი
სხვა სიახლეები