ბათუმში საცხოვრებელი კორპუსის ჩამონგრევის ფაქტზე დაკავებული სამი პირისთვის აღკვეთის ღონისძიების შეფარდებაზე სასამართლო დღეს იმსჯელებს - Palitra News

ბათუმში საცხოვრებელი კორპუსის ჩამონგრევის ფაქტზე დაკავებული სამი პირისთვის აღკვეთის ღონისძიების შეფარდებაზე სასამართლო დღეს იმსჯელებს

2021-10-11 09:14:37+04:00

ბათუმში საცხოვრებელი კორპუსის ჩამონგრევის ფაქტზე დაკავებული სამი პირისთვის აღკვეთის ღონისძიების შეფარდებაზე ბათუმის საქალაქო სასამართლო დღეს იმსჯელებს.

დაკავებულებს ბრალი სისხლის სამართლის კოდექსის 240-ე მუხლით წარუდგინეს, რაც სამშენებლო სამუშაოების დროს უსაფრთხოების წესების დარღვევას გულისხმობს.

პროკურატურა დაკავებულთა პატიმრობაში დატოვებას ითხოვს. დაკავებული სამი პირი, ჩამონგრეული კორპუსის პირველ სართულზე მდებარე ბინის მეპატრონე და ორი დაქირავებული მუშა არიან.