აშშ-ში ბოლო 24 საათის განმავლობაში ახალი კორონავირუსით გარდაცვალების 917 ახალი შემთხვევა დაფიქსირდა, - ამის შესახებ ინფორმაციას "სი-ენ-ენი" ავრცელებს.
გამოცემის ცნობით, ქვეყანაში კორონავირუსით დღემდე სულ 4 745 ადამიანია დაღუპული. აღსანიშნავია, რომ კორონავირუსით გარდაცვალების შემთხვევების რაოდენობით აშშ მსოფლიოში მე-3 ადგილზეა. ინფიცირებულთა რაოდენობით კი ქვეყანა მსოფლიოში პირველ ადგილზეა.
ბოლო მონაცემებით, აშშ-ში კორონავირუსით 215 300 ადამიანი დაინფიცირდა.