Apple-ის "ნიჭიერთა ომი" Facebook-თან - კომპანია ინჟინრებს 180 ათასი დოლარის ბონუსებს უხდის- PalitraNews.ge

იტვირთება შემდეგი ვიდეო

ეკონომიკა

Apple-ის "ნიჭიერთა ომი" Facebook-თან - კომპანია ინჟინრებს 180 ათასი დოლარის ბონუსებს უხდის

31-12-2021

ამერიკული კომპანია Apple თავის საუკეთესო ინჟინრებს დიდ ბონუსებს გადაუხდის, რათა კონკურენტ კომპანიებში მათი გადასვლა თავიდან აიცილოს. ინფორმაციას სააგენტო Bloomberg-ი ავრცელებს.

ზოგიერთ ინჟინერს, რომლებიც ჩიპების დაპროექტებაზე, აპარატურასა და პროგრამული უზრუნველყოფის ჯგუფებში მუშაობენ, Apple-მა აცნობა, რომ ბონუსების სახით 50 000-დან 180 000 დოლარამდე გადაუხდის.

ამასთან, კომპანიამ მათ სთხოვა, ეს ინფორმაცია არ გაემჟღავნებინათ.

Apple სილიკონის ველისა და მის ფარგლებს გარეთ მყოფ კომპანიებთან „ნიჭიერთა ომს“ აწარმოებს. მას განსაკუთრებულ საფრთხხეს Meta Corporation (ყოფილი Facebook) უქმნის. Bloomberg-ის ცნობით, ბოლო თვეებში Meta Corporation-მა Apple-ის 100-მდე ინჟინერი დაიქირავა.