20:34
29 ივნისი, 2022, ოთხშაბათი
იტვირთება შემდეგი ვიდეო
ჩვენი პლანეტა
ამფიპრიონი, რომელმაც კაშკაშა კონტრასტული შეფერილობის წყალობით მიიღო მასხარა თევზის სახელი, აღიარება ამერიკულ ანიმაციურ ფილმში „ნემოს ძიებაში“ შესრულებული მთავარი როლით მოიპოვა
28-05-2022

ამფიპრიონი, რომელმაც კაშკაშა კონტრასტული შეფერილობის წყალობით მიიღო მასხარა თევზის სახელი, აღიარება ამერიკულ ანიმაციურ ფილმში „ნემოს ძიებაში“ შესრულებული მთავარი როლით მოიპოვა. მართალია, მულტფილმის პრემიერა თითქმის ორი ათეული წინ შედგა, მაგრამ „მასხარა“ მაინც არ კარგავს პოპულარობას, განსაკუთრებულ ინტერესს მის მიმართ კი, აკვარიუმის თევზების მოყვარულები იჩენენ, რადგან ამფიპრიონი ერთნაირად კარგად ეგუება როგორც ბუნებრივ გარემოს, ისე შუშის სახლში ცხოვრებას. 

მასხარა თევზი მეტწილად ინდოეთისა და წყნარი ოკეანის ტროპიკულ წყლებში ვრცელდება, აუცილებლად მარჯნის რიფებში ცხოვრობს და ყოველთვის აქტინიებთან (მარჯნის პოლიპების კლასის ზღვის ნაწლავღრუიანების რიგის ზღვის ანემონები) ახლოს ცურავს, ამიტომ ნაკლებად ხასიათდება სეზონური მიგრაციით. აღსანიშნავია, რომ ამფიპრიონთა ნაწილი მთელ ცხოვრებას აქტინიების მხოლოდ ერთ კონკრეტულ სახეობას უკავშირებს, ნაწილი კი, განსხვავებულ სახეობებში ამჯობინებს დაბუდებას. 

პომაცენტრალურ ოჯახში გაერთიანებული ამფიპრიონი მხოლოდ მცირე ნიუანსებით განსხვავებულ 25 სახეობას აერთიანებს. მინიატურული თევზის გაბარიტები არასდროს აღემატება 15-20 სანტიმეტრს, თუმცა, მდედრი ყოველთვის უფრო მსხვილია, ვიდრე მამრი.

 

მასხარას გაბრტყელებული ტანი, მაღალი ზურგი და მოკლე თავი აქვს. ზურგს ერთი, თუმცა ორად გაყოფილი ფარფლი უმშვენებს, რომლის წინა ნაწილი დაკბილული, უკანა კი, გლუვი და რბილია. შუაზე აქვს გაყოფილი ყველაზე მგრძნობიარე ორგანო - გვერდის ზოლიც, რომლითაც წყლის რხევას განსაზღვრავს. თევზის განმასხვავებელ თავისებურებად მოჭარბებული ლორწო ითვლება კანზე, რომელიც აქტინიების მჩხვლეტავი უჯრედებით დაფარული საცეცებისგან იცავს.

თევზები იდენტური შეფერილობით ნარინჯისფერ ან ყვითელ ფონზე მსხვილი თეთრი და შავი ზოლებით ხასიათდებიან, ნარინჯისფერი აქვს მასხარას თვალის ფერადი გარსიც.

AutoPlay
ოქროს ლომისებრი ტამარინი - საოცარი ცხოველი ბრჭყალებიანი მაიმუნების ოჯახიდან, რომლის პოპულაცია მხოლოდ 3 500 ინდივიდს შეადგენს, მეტად სავალალო მდგომარეობაში და პრაქტიკულად გადაშენების ზღვარზეა
25-06-2022
ჩვენი პლანეტა - გაიცანით ოპოსუმი, მინიატიურული ჩანთოსანი ცხოველი, რომელიც მეცნიერების მტკიცებით ჯერ კიდევ 100 მილიონი წლის წინ, მეზოზოურ ხანაში მოევლინა სამყაროს
18-06-2022
ზღვის ზღარბი, რომელიც სულ მცირე 500 მილიონი წლის წინ მოევლინა სამყაროს, დღემდე თავსატეხად რჩება მეცნიერებისთვის, რადგან ის უჩვეულო ბიოლოგიური თავისებურებებითა და ექსტრემალური ცხოვრების წესით ხასიათდება
11-06-2022
უძველეს ინდურ კულტურაში სიამაყისა და პატივმოყვარეობის, უკვდავებისა და უზრუნველი ცხოვრების სიმბოლოდ ქცეული ფარშევანგი, თანამედროვე სამყაროშიც უძლიერეს თილისმად ითვლება
04-06-2022
მითის თანახმად, ფრინველი ალკუნი, ეოლუსის ქალიშვილის წყალობით გაჩნდა, სწორედ მისი სილამაზით მოხიბლა ზევსი, თუმცა ზედმეტად ქედმაღალი ქალის უარის შემდეგ, მისი ეგზოტიკურ ფრინველად ქცევა გადაწყვიტა
21-05-2022
რქაცხვირასებრთა ოჯახის წარმომადგენლები მეტწილად აფრიკის და სამხრეთ-აღმოსავლეთ აზიის, ინდოეთისა და წყნარი ოკეანის კუნძულების ტროპიკულ ტყეებში ბინადრობენ, თუმცა 10-მდე სახეობა მხოლოდ აფრიკის ენდემად ითვლება
14-05-2022
გააკეთე კომენტარი
FB კომენტარი
სხვა სიახლეები