16:35
24 იანვარი, 2019, ხუთშაბათი
იტვირთება შემდეგი ვიდეო
News
"აჯანყებისთვის მზადებას დავიწყებთ" - იუსტიციის სახლთან მოქალაქეები მიწის უცხეოელებზე გასხვისებას აპროტესტებენ
10-12-2018

ყოფილი დეპუტატი დიმიტრი ლორთქიფანიძე აცხადებს, რომ იუსტიციის სახლთან შეკრებილი ადამიანების მოთხოვნების გაუთვალისწინებლობის შემთხვევაში ისინი "აჯანყებისთვის მზადებას დაიწყებენ". "ჩვენ მოვუწოდებთ საჯარო მოხელეებს, ხელი არ აუკანკალდეთ, დააჭირონ ღილაკს, გამორთონ სერვერები, უარი განაცხადონ რეგისტრაციაზე და თქვან - 5 კალენდარული დღის განმავლობაში გავდივართ გაფიცვაზე, ვინაიდან საკონსტიტუციო სასამართლოს მიერ მიღებულ გადაწყვეტილებას არ ვეთანხმებით, როგორც ანტისახელმწიფოებრივ აქტს. ჩვენ ვპირდებით, რომ დავიცავთ მათ უფლებებს", - განაცხადა ლორთქიფანიძემ. მისივე თქმით, ახლა იუსტიციის სახლში მათი ორი წარმომადგენელი- ემზარ კვიციანი და ზვიად ტომარაძე არიან შესული.

"ჩვენ შევიტანეთ განაცხადი, დაგვპირდნენ, რომ შეგვიშვებდნენ. ჩვენ მზად ვართ ავუხსნათ, თუ რა პროცესებთან გვაქვს საქმე. თუ ქართველი ხალხის მოთხოვნები არ შესრულდება, ჩვენ სრულიად საქართველოს ტერიტორიაზე აჯანყებისთვის მზადებას დავიწყებთ", - განაცხადა ლორთქიფანიძემ. შეგახსენებთ, რომ იუსტიციის სახლთან ის ადამიანები და საზოგადოებრივი ჯგუფები არიან შეკრებილი, ვინც სასოფლო-სამეურნეო დანიშნულების მიწებზე დაწესებული მორატორიუმის გაუქმებას აპროტესტებს. იუსტიციის სახლთან შეკრებილები იუსტიციის მინისტრს მიმართავენ არ დაუშვან მიწების უცხოელებზე გასხვისება. აქციის მინაწილეები იუსტიციის მინისტრ თეა წულუკიანთან შეხვედრას ითხოვენ.

AutoPlay
თბილისის საქალაქო სასამართლოში საქართველოში დაკავებული უკრაინის 6 და საქართველოს ერთი მოქალაქის წინასასამართლო სხდომა მიმდინარეობს
გამოქვეყნდა 31 წუთის წინ
"ქართული ოცნების" ოფისში საპარლამენტო უმრავლესობის სხდომა დასრულდა
გამოქვეყნდა 34 წუთის წინ
კრემლის განცხადებით, ვენესუელის ლეგიტიმური პრეზიდენტი ნიკოლას მადუროა
გამოქვეყნდა 36 წუთის წინ
ნატახტართან ავარიას ფეხით მოსიარულე ემსხვერპლა
გამოქვეყნდა 1 საათის წინ
სასამართლომ უკრაინის ექსპრეზიდენტი ვიქტორ იანუკოვიჩი სახელმწიფოს ღალატში დამნაშავედ ცნო
გამოქვეყნდა 2 საათის წინ
ვენესუელაში საპროტესტო გამოსვლებისას პოლიციასთან შეტაკებას სულ მცირე 16 ადამიანი ემსხვერპლა
გამოქვეყნდა 2 საათის წინ
გააკეთე კომენტარი
FB კომენტარი
სხვა სიახლეები