აღმაშენებლის გამზირზე, ერთმანეთს რამდენიმე მსუბუქი ავტომობილი და ავტობუსი შეეჯახა. დაშავებულია 4 ადამიანი, ისინი სამედიცინო დაწესებულებაში გადაიყვანეს. ადგილზე მობილიზებული იყო საპატრულო პოლიციაც.
მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც სატრანსპორტო საშუალების ექსპლუატაციის წესების დარღვევას გულისხმობს, რამაც სხეულის დაზიანება გამოიწვია.