გუდაურში მომხდარი მკვლელობის ფაქტზე დაკავებულის ადვოკატმა ახალ ვიდეოჩანაწერებზე ისაუბრა. ადვოკატ ტარიელ კაკაბაძის განცხადებით, ვიდეოჩანაწერში ჩანს, რომ ბრალდებულმა გამაფრთხილებელი გასროლა განახორციელა ფეხის მიმართულებით და შურისძიებიების მოტივით განზრახ მკვლელობას ადგილი არ ჰქონია. ამასთან, ადვოკატის ინფორმაციით, გასროლა, რომელიც დაპირისპირებაში მონაწილე ერთი პირისთვის სასიკვდილო აღმოჩნდა, ბრალდებულის მხრიდან აუცილებელი მოგერიების მიზნით მოხდა.