სპორტული ტანსაცმლის მწარმოებელი გერმანული კომპანია „ადიდასი“ ამერიკული ბრენდის „რიბოკის“ გაყიდვას გეგმავს. ამის მიზეზად სახელდება ის ფაქტი, რომ იმ 15 წელიწადში, რაც „რიბოკს“ ფლობს, მისი ბიზნესის მომგებიან რელსებზე გადაყვანა ვერ მოახერხა.
„ადიდასს“ შემუშავებული აქვს ხუთწლიანი გეგმა, რომელიც „რიბოკის“ აქციების სრულად გაყიდვას ითვალისწინებს. გეგმის წარდგენა 10 მარტს არის დანიშნული, როცა ეგრეთ წოდებული ინვესტორის დღე გაიმართება.
გერმანულმა კომპანიამ ამერიკული კონკურენტი 2006 წელს შეისყიდა და მასში 3 მილიარდ 800 მილიონი დოლარი გადაიხადა. თუმცა შარშანდელი ანგარიშის მიხედვით, „რიბოკის“ აქტივები 1 მილიარდ დოლარად შეაფასა.