10:25
29 მარტი, 2020, კვირა
იტვირთება შემდეგი ვიდეო
ეკონომიკა
8 მლრდ დოლარის დანაკარგი ყოველდღე - Greenpeace-მა ჰაერის დაბინძურებისგან მიყენებული ზარალი დაითვალა
14-02-2020

Greenpeace-ის ყოველწლიური ანგარიშის თანახმად, ჰაერის დაბინძურების შედეგად მსოფლიო ეკონომიკა დღიურად 8 მილიარდ დოლარს კარგავს, ეს კი წლიურად 2 ტრილიონ 900 მილიარდი დოლარია.

ანგარიშის მიხედვით, დანაკარგები  მსოფლიო მთლიანი შიდა პროდუქტის 3,3%-ს აღწევს. ყველაზე მაღალი წლიური დანაკარგი, რომელიც საწვავის წვის შედეგად ჰაერის დაბინძურებაზე მოდის, ჩინეთის ეკონომიკას 900 მილიარდი დოლარით აზარალებს, შეერთებულ შტატებს - 600 მილიარდი დოლარით, ინდოეთისას - 150 მილიარდით,  გერმანიას - 140 მილიარდი, ხოლო იაპონიას 130 მილიარდი დოლარის დანაკარგით.

ამავე ანგარიშის მიხედვით, 2019 წელს მსოფლიო მოსახლეობის დაახლოებით 91% ცხოვრობდა ისეთ ადგილებში, სადაც ჰაერის დაბინძურება აღემატება დაშვებულ ნორმებს, რომელიც დადგენილია მსოფლიო ჯანდაცვის ორგანიზაციის მიერ. მათივე განმარტებით, წლიურად ჰაერის დაბინძურებით გამოწვეული ავადმყოფობების გამო  მილიარდ 800 მილიონი ადამიანი იღებს ბიულეტენს, რაც იწვევს ეკონომიკაში 101 მილიარდი დოლარის დანაკლისს.

გააკეთე კომენტარი
FB კომენტარი
სხვა სიახლეები